1
Udur ma hita sasude, Naposobulung Kristen Batak,
Sai unang marnalemba be, tung unang tinggal nang sahalak,
Tuhan Jesus do Partogi dipatiur do dalan i,
Sai tongtong ho diramoti unang ganggu rohami.
2
Arahon hahaanggimi mananda silang ni Tuhanta,
Sai pangke gogomi sude, manuhuk silang ganup ari,
Sai tajalo hagogoon na so hasuhatan i
Asa saut ma jaloonta hasonangan surgo i.
3
Sai pasu-pasu o Tuhan Naposobulung Kristen Batak
Patau ma hami sasude, partohap di harajaonMu
Sai ajari sai torangi pargogoi ma hami be
Asa rap marhasonangan salelenglelengna i.
Download aplikasi HKBP di Playstore
