1
Tung jotjot au songon boru Samaria, mangalap aek tu sumur i,
Hape so boi sombu uasna, mulak ulak pe mangalap i.
Tung tuani ma ro Jesus manjouhon “Au do aek hangoluan i,
Pangido ma asa hulehon aek na pasombu uasmi.”
Ale Jesus aek hangoluan gohi dohot panginumanki,
Asa sombu uas na di rohangki asa sonang gok dame tondingki.
2
Tung torop do jolma i na tarlalap lao mangoloi dagingna i
Suda gogona mamingkiri holan ngolu sisatongkin i,
Di ujung na pe ingkon sai tarhirim molo so ro tu Jesus i,
Ai holan marhite Ibana, jumpang hita hangoluan i.
Ale Jesus ………
3
Molo mauas tondimu ale dongan, hatop ma ro tu Jesus i
Ibana do aek hangoluan, sai tangihon ma hataNa i
Di Ibana dapot ho hasonangan, pasahat ma dirim tusi
Mardame ho jala martua, ro di salelenglelengna i.
Ale Jesus ………
Download aplikasi HKBP di Playstore
